کالے چنے بھوننے کا طریقہ بتائیں؟

Question

بھنے ہوئے چنے آسانی سے مل جاتے ہیں لیکن اگر فریش نہ ملیں تو گھر میں ہی بھوننا پڑیں گے ۔طریقہ بتائیے؟

Answer 1

کالے چنے بھوننے کیلئے ضروری ہے کہ وہ بھونے جانے سے کم از کم ایک یا دو گھنٹے میٹھے سوڈے (جو کھانوں میں ڈالا جاتا ہے) والے پانی میں بھگو کر رکھ دئیے جائیں، تاکہ وہ نرم اور پلپلے ہو جائیں
اس کے بعد حسبِ منشا لوہے کی کڑاہی میں نمک یا ریت ڈال کر گرم چولہے پر رکھ دیں
جب کڑاہی میں موجود نمک یا ریت بالکل تپ جائے تو مٹھی بھر یا چمچہ بھر چنے کڑاہی میں ڈال دیں اور ان کو پلٹے سے الٹ پلٹ کرتے جائیں
چند ہی منٹ میں وہ پھٹنے اور پھولنے لگیں گے۔ جب آپ کو محسوس ہو کہ اب خوب بھن چکے ہیں تو کڑاہی سے نکال کر چھلنی سے چھان لیں
اور مزے سے کھائیں

Comments

اسلام علیکم،
غالب بھائی  آُپ کو یہاں حاضر دیکھ کر بے حد خوشی ہو رہی ہے۔بھنے ہوئے چنے تو مجھے بھی بے حد پسند ہیں۔نمک ڈال کر بھوننے سے چنے زیادہ نمکین نہیں ہو جائیں گے؟

---

نہیں بھیا ، چنے گرم نمک پر ڈالتے ہوئے ضرور گیلے ہوتے ہیں ، اس لیے تھوڑے سے نمکین ہو جاتے ہیں لیکن فوراً ہی نمک کی اور آگ کی تپش سے خشک ہو کر بھن جاتے ہیں۔ جس کی وجہ سے ان پر جتنا بھی زائد نمک لگتا ہے وہ خود بخود اتر جاتا ہے۔ اور چنے صرف اتنے نمکین ہو جاتے ہیں جتنے کہ کھانے میں مزے دار اور ٹیسٹی لگیں۔
ایک دفعہ یہ ترکیب آزما کے دیکھ لیں ۔ آپ کو سواد آ جائے گا

---

ترکیب تو بہت مزے کی ہے ۔۔۔۔ لیکن جب بازار سے مل جاتے ہیں تو کون اتنا بکھیڑا کرے

---

لیکن ہر جگہ نہیں ملتے نا
اور اگر ملتے بھی ہیں تو فریش نہیں ملتے
ویسے میں نے غالب بھائی کے ترکیب آزمائی لیکن بات نہیں بنی
:)

---

فدوی نے میٹھے سوڈے کے محلول پانی میں کم از کم دو گھنٹے بھگو کے رکھنے کا بھی کہا تھا
اس کے بغیر مزہ نہیں آتا

---

دو دن کا کام بتا دیا آپ نے تو