وراثت کی تقسیم

Question

ایک عورت کی ایک ہی صرف بیٹی ہے اور اس کا خاوند بھی فوت چکا ہے  اور اس عورت کے والدین بھی ہو چکے ہیں  اور عورت کی دو بہنیں زندہ ہیں اس عورت کا کوئی بھائی بھی نہیں ہے  آیا کہ ساری زمین بیٹی کو ملے گی؟ یہ زمین خاوند کی طرف سے اس عورت کو ملی ہے

Answer 1

السلام علیکم ورحمۃ اللہ،

سوال کے مطابق متوفیہ کی صرف ایک بیٹی ہے اور دو بہنیں زندہ ہیں باقی تمام وارثان فوت ہوچکے ہیں۔ اس صورت میں متوفیہ کی کل وراثت سے سب سے پہلے اس کے ذمہ اگر کوئی قرض وغیرہ ہے تو وہ ادا کیا جائے گا۔ پھر کفن دفن کے اخراجات نکالے جائیں گے (اگر کوئی عزیز اپنی طرف سے یہ اخراجات کررہا ہے تو پھر نہیں نکالے جائیں گے) پھر باقی بچ جانے والی وراثت میں سے نصف (آدھا) اس کی بیٹی کو ملے گا اور باقی نصف (آدھا) دو بہنوں میں تقسیم ہو جائے گا۔

جواب از: حافظ محمد اقبال سلفی حفظہ اللہ۔