انٹل کے جدید پروسیسر آئی تھری ،آئی فائیو اور آئی سیون ہیں۔آئی سیون عموما لوگوں کی قوت خرید سے باہر ہوتا ہے اور عام طور پر انتخاب آئی تھری اور آئی فائیو کے درمیان ہی گھومتا ہے۔ایسے میں ان دونوں کے درمیان فرق کو جاننا دلچسپ اور ان کے انتخاب کو آسان بنا سکتا ہے۔
جب آپ آئی تھری یا آئی فائیو خریدنے کا ارادہ کریں تو یہ چیز ذہن میں رکھیے کہ تمام آئی تھری پروسیسر ڈویل کور dual-core ہیں جبکہ آئی فائیو ڈویل کور dual-core کے ساتھ کواڈ کور میں بھی دستییاب ہیں یعنی آپ کواڈ کور آئی فائیو لیتے ہیں تو اس کا مطلب ہے کہ چار پروسیسر ایک سلیکون چپ میں موجود ہوں گے۔
ڈویل کور آئی فائیو تو آئی تھری سے زیادہ منفرد نہیں لیکن کواڈ کور آئی فائیو کارکردگی کے لحاظ سے آئی تھری سےکہیں آگے ہے کیونکہ اضافی دو کورز پروسیسر کو دوگنا طاقتور کر دیتی ہیں جو بیک وقت زیادہ امور کی انجام دہی کے لیے مدد گار ثابت ہوتی ہے۔
جس کا آسان الفاظ میں مطلب یہ ہے کہ پروسیسر خودکار طریقے سے اپنی کلاک سپیڈ سےزیادہ تیز رفتار ہو جاتا ہے جب سسٹم کو اسی کی ضرورت ہوتی ہے،یہ اس وقت بہت فائدہ مند ہوتا ہے جب آپ بھاری بھرکم پروگرام چلا رہے ہوتے ہیں جیسے نئی ویڈیو گیمز اور فوٹو اور ویڈیو ایڈیٹنگ پروگرامز۔ اس متحرک تیز رفتاری میں بجلی کی کھپت اور حرارت کنٹرول میں رہتی ہے جبکہ آئی تھری میں آپ کلاک سپیڈ خود بڑھا سکتے ہیں اگر آپ حقیقتا اس کی ضرورت محسوس کرتے ہیں لیکن اس عمل میں حرارت اور بجلی کی کھپت کنٹرو ل میں نہیں رہے گی۔
آخری فرق ہے کیش میموری کا ،آئی تھری میں کیش میموری 3MB تک محدود ہے جب کہ آئی فائیو میں یہ 4mb,6MBاور8MBبھی ہو سکتی ہے۔
اگر آپ غور کریں تو اس فرق کو بیان کرنے سے ایک سے زیادہ سوالوں کے جوابات مل جاتے ہیں جیسے:
ٹربو بوسٹ ٹیکنالوجی کا مطلب ہے پروسیسر خودکار طریقے سے متحرک ہو کر اپنی عام رفتار سے آگے بڑھ جاتا ہے جب سسٹم کو اس کی ضرورت ہوتی ہے۔
کواڈ کور کا مطلب ہے ایک سلیکون چپ میں چار پروسیسر یا چار کورز۔
آئی تھری میں کیش میموری3 ایم بی تک محدود ہے جب کہ آئی فائیو میں 8 ایم تک ہو سکتی ہے۔
آئی تھری صرف ڈویل کور جبکہ آئی فائیو ڈویل کور کےساتھ ساتھ کواڈ کور میں بھی دستیاب ہیں۔
